Республикæйы музыкалон скъолаты æмæ колледжты ахуыргæнджытæн райдыдтой педагогты

Уалдзыгон каникултæ æрмæст фæлладуадзæн нæ, фæлæ ма профессионалон рæзтæн рæстæг. Цæгат Ирыстоны Культурæйы министрады кусæндæтты педагогты 'хсæн райдыдта традицион мадзал. 6 боны арæзт цæудзысты дæсныйадæвдисæг ахуыртæ, гом уроктæ, лекцитæ æмæ концерттæ. Программæ байгом кодта фортепианон хайады секци. Гергиты Валерийы номыл аивæдты колледжы сценæйыл сæ курдиат равдыстой Мæздæджы музыкалон æмæ Æрыдоны аивæдты скъолайы ахуырдзаутæ, Паддзахадон филармонийы орекстры æмархайдæй. Мадзал адарддæр кæндзысты адæмон инструментты, музыкалон дисциплинæты æмæ зарыны здæхтытæм гæсгæ. Ахæм фембæлдтытæ фадат дæттынц фæлтæрддзинадæй кæрæдзийæн фæхай кæнынæн, профессионалон арæхстдзинадыл бакусынæн æмæ аивадон ахуырады хæрзхъæддзинад бæрзонддæр кæнынæн.